İnzibati məsuliyyət: illik hesabat yayılıb
Ədliyyə Nazirliyinin hesabatına görə, 2022-ci ildə birinci instansiya məhkəmələrində inzibati xətalar üzrə 93,7 min işə baxılıb: “Onların 63,2 faizi idarəçilik qaydaları, 5,4 faizi yol hərəkəti qaydaları, 3,9 faizi mülkiyyət əleyhinə, 3,7 faizi ictimai qayda, ictimai təhlükəsizlik və ictimai mənəviyyat əleyhinə, 3 faizi narkotik vasitələrin və psixotrop maddələrin qanunsuz dövriyyəsi ilə əlaqədar, 2,7 faizi sağlamlıq əleyhinə, 0,9 faizi vergilərin, rüsumların ödənilməsi, maliyyə və sığorta qaydaları əleyhinə, 0,8 faizi iqtisadi fəaliyyət qaydaları əleyhinə, 0,3 faizi gömrük qaydaları əleyhinə olan, qalanları digər inzibati xətalarla bağlıdır.
2022-ci ildə baxılmış işlərin 54,1 faizi üzrə inzibati məsuliyyət tədbiri tətbiq edilib, 37,6 faizinin icraatına xitam verilib, 8,3 faizi üzrə işlərə dair materiallar əlavə yoxlanış üçün qaytarılıb və ya aidiyyəti üzrə göndərilib.
İnzibati məsuliyyətə cəlb edilmiş şəxslərin sayı 50,7 min nəfər olub. Həmin şəxslərin 40,4 faizinə inzibati cərimə, 38,5 faizinə fiziki şəxsə verilmiş xüsusi hüququn məhdudlaşdırılması, 18,8 faizinə inzibati həbs, 1,8 faizinə ictimai işlər, 0,5 faizinə isə digər tənbeh növləri tətbiq edilib”.
