Bosniya səfəri
Prezident İlham Əliyev aprelin 13-də Bosniya və Herseqovinaya rəsmi səfərə gedib. AZƏRTAC xəbər verir ki, paytaxt Sarayevonun beynəlxalq aeroportunda prezidenti Bosniya və Herseqovinanın xarici ticarət və iqtisadi əlaqələr naziri qarşılayıb.
Sarayevonun Musala meydanındakı rəsmi qarşılanma mərasimində Bosniya və Herseqovinanın dövlət və hökumət nümayəndələri İlham Əliyevə, Azərbaycan nümayəndə heyətinin üzvləri Bosniya və Herseqovina Rəyasət Heyətinin sədri Jelka Sviyanoviçə təqdim edilib.
İlham Əliyev Jelka Sviyanoviç, Rəyasət Heyətinin üzvləri Jelko Komşiç və Denis Beçiroviçlə bir araya gəlib.
Rəyasət Heyətinin sədri və üzvləri ilə geniş tərkibdə də görüş keçirilib.
İlham Əliyev və Jelka Sviyanoviç Azərbaycan Respublikası ilə Bosniya və Herseqovina arasında strateji tərəfdaşlıq haqqında birgə bəyannamə imzalayıblar və mətbuata bəyanatlarla çıxış ediblər
.
