Təltif sərəncamları
Prezident İlham Əliyev aprelin 11-də təltif sərəncamları imzalayıb: sabiq hökumət üzvü Əli Şamil oğlu Həsənov və Milli Məclisin deputatı Cavanşir Hümmət oğlu Paşazadə “Şərəf” ordeni, Milli Məclisin deputatları Aqil Məhəmməd oğlu Abbasov (Aqil Abbas) və Novruzəli Davud oğlu Aslanov 1-ci dərəcəli “Vətənə xidmətə görə” ordeni alıblar.
Novator.az bildirir ki, 1948-ci il təvəllüdlü Əli Həsənov 1997-ci ildən Dövlət Ekologiya və Təbiətdən İstifadəyə Nəzarət Komitəsinin sədri, 1998-2018-ci illərdə baş nazirin müavini, Qaçqınların və Məcburi Köçkünlərin İşləri üzrə Dövlət Komitəsinin sədri, 2018-2019-cu illərdə baş nazirin müavini olub.
Cavanşir Paşazadə 1953-cü ildə doğulub. 2005-ci ildən deputatdır.
1953-cü il təvəllüdlü Aqil Abbas jurnalist, yazıçıdır. 2005-ci ildən parlament üzvüdür.
Novruzəli Aslanov 1963-cü ildə doğulub. 2005-ci ildən deputatdır.
