Naxçıvan: prezident nümayəndəsinə müavin təyin olundu
Samir Əhməd oğlu Seyidəhmədli Naxçıvan Muxtar Respublikasında prezidentin səlahiyyətli nümayəndəsinin müavini təyin edilib. Dövlət başçısı İlham Əliyev sərəncamı aprelin 11-də imzalayıb.
Naxçıvanda prezidentin səlahiyyətli nümayəndəliyinin təsis edilməsinə 2022-ci il dekabrın 22-də fərman verilib, həmin gün Fuad Vahid oğlu Nəcəfli səlahiyyətli nümayəndə postuna təyinat alıb.
Səlahiyyətli nümayəndə Naxçıvan Muxtar Respublikasının ərazisində prezidenti təmsil edən vəzifəli şəxsdir və dövlət başçısının müəyyən etdiyi səlahiyyətləri həyata keçirir.
Mərkəzi və yerli icra hakimiyyəti orqanları və digər dövlət qurumları Naxçıvan Muxtar Respublikasının ərazisində fəaliyyətlərini səlahiyyətli nümayəndə ilə əlaqələndirilmiş qaydada həyata keçirməlidir.
