Hasilatın üç ayı, illəri
Rəsmi hesabata görə, 2023-cü ilin yanvar-mart aylarında Azərbaycanda kondensatla birgə 7,7 milyon ton neft hasil olunub, 6,4 milyon ton ixrac qeydə alınıb.
Beynəlxalq razılaşma Azərbaycanın gündəlik xam neft hasilatını 684 min barrel müəyyən edib. Gündəlik hasilat yanvarda 533 min barrel, fevralda 531 min barrel göstərilib.
2023-cü ilin dövlət büdcəsində bir barrel neft 50 dollardan götürülüb. “AzəriLayt” markalı Azərbaycan nefti yanvara 87,99, fevrala 87,53, marta 85,01, aprelə 81,88 dollarla başlayıb.
Novator.az bildirir ki, 2008-ci ildə ölkədə 44,5 milyon ton, 2009-cu ildə 50,4 milyon ton, 2010-cu ildə 50,8 milyon ton, 2011-ci ildə 45,6 milyon ton, 2012-ci ildə 43,4 milyon ton, 2013-cü ildə 43,5 milyon ton, 2014-cü ildə 42 milyon ton, 2015-ci ildə 41,6 milyon ton, 2016-cı ildə 41 milyon ton, 2017-ci ildə 38,7 milyon ton, 2018-ci ildə 38,8 milyon ton, 2019-cu ildə 37,4 milyon ton, 2020-ci ildə 34,5 milyon ton, 2021-ci ildə 34,6 milyon ton, 2022-ci ildə 32,6 milyon ton neft çıxarılıb.
