Qoşa seçkinin iştirakçıları
Novator.az Türkiyədə mayın 14-ü – prezident seçkisi ilə eyni gündə keçiriləcək parlament seçkisinə qatılan siyasi qüvvələrin siyahısını təqdim edir:
Yeni Türkiyə Partiyası
Türkiyə İslahat Partiyası
Millət Partiyası
Haqq və Azadlıqlar Partiyası
Sosialist Güc Birliyi ittifaqı (Türkiyə Kommunist Partiyası, Türkiyə Kommunist Hərəkatı, Sol Partiya)
Gənc Partiya
Məmləkət Partiyası
Xalq ittifaqı (Böyük Birlik Partiyası, Ədalət və İnkişaf Partiyası, Yenidən Rifah Partiyası, Milliyyətçi Hərəkat Partiyası)
Əmək və Azadlıq ittifaqı (Yaşıllar və Sol Gələcək Partiyası, Türkiyə Fəhlə Partiyası)
Böyük Türkiyə Partiyası
Ədalət-Birlik Partiyası
Ana Vətən Partiyası
Yenilik Partiyası
Xalqın Qurtuluş Partiyası
Milli Yol Partiyası
Vətən Partiyası
Güc Birliyi Partiyası
Millət ittifaqı (Gələcək Partiyası, Demokrat Partiyası, Demokratiya və Sıçrayış Partiyası, Cümhuriyyət Xalq Partiyası, Yaxşı Partiya, Səadət Partiyası)
Ata ittifaqı (Ədalət Partiyası, Zəfər Partiyası)
Müstəqil Türkiyə Partiyası.
Ali Seçki Qurumunun parlament seçkisinə buraxdığı Demokratik Sol Partiya və Hür Dava Partiyası Xalq ittifaqına, Əmək Partiyası və Xalqların Demokratik Partiyası Əmək və Azadlıq ittifaqına bağlıdır.
Millət ittifaqında yer alan partiyaların ikisinin parlament seçkisində öz adı ilə yarışacağı bildirilir: Cümhuriyyət Xalq Partiyası və Yaxşı Partiya.
Səadət, Gələcək, Demokratiya və Sıçrayış, Demokrat partiyalarının namizədlərinin seçkiyə Cümhuriyyət Xalq Partiyasının siyahısı ilə qoşulacağı bəyan olunub.
600 nəfərlik Türkiyə Böyük Millət Məclisinə düşmək üçün ölkə üzrə etibarlı səslərin azı 7 faizini qazanmaq gərəkdir.
Millət vəkilliyinə müstəqil namizədlik də mümkündür.
Namizədlərin rəsmi siyahısı aprelin 19-da açıqlanacaq.
Prezidentliyə namizədlər bunlardır:
prezident, Ədalət və İnkişaf Partiyasının lideri Rəcəb Teyyub Ərdoğan – Xalq ittifaqının namizədi;
Məhərrəm İncə – lideri olduğu Məmləkət Partiyasının namizədi;
millət vəkili, Cümhuriyyət Xalq Partiyasının lideri Kamal Kılıçdaroğlu – Millət ittifaqının namizədi;
müstəqil siyasətçi Sinan Oğan – Ata ittifaqının namizədi.
İlk turda prezident seçilmək üçün etibarlı səslərin 50 faizindən çoxunu almaq tələb olunur, əks halda ən çox səs yığmış iki namizəd ikinci tura (28 may) çıxır.
