Milli komandaların reytinqi
FİFA aprelin 6-da milli futbol komandalarının reytinqini yeniləyib. Novator.az bildirir ki, ilk beşlikdə Argentina, Fransa, Braziliya, Belçika və İngiltərə göstərilir.
Oyunların əhəmiyyəti, rəqiblərin çəkisi nəzərə alınmaqla əldə edilən nəticələrə əsaslanan reytinqdə Azərbaycan 211 yığma arasında 124-cü yerdə qərar tutur.
İran 24-cü, Ukrayna 30-cu, Rusiya 37-ci, Türkiyə 43-cü, Özbəkistan 74-cü, Gürcüstan 77-ci, Qırğızıstan 96-cı, Ermənistan 97-ci, Belarus 98-ci, Estoniya 108-ci, Tacikistan 109-cu, Qazaxıstan 112-ci, Latviya 132-ci, Türkmənistan 137-ci, Litva 146-cı, Moldova 171-cidir.
