Azərbaycan İran səfirliyinin 4 əməkdaşını qovur
Aprelin 6-da İranın Azərbaycandakı səfiri Xarici İşlər Nazirliyinə çağırılıb. Rəsmi məlumatda qeyd olunur ki, səfirə son zamanlar İranın Azərbaycana münasibətdə nümayiş etdirdiyi təxribat xarakterli fəaliyyətə görə qəti narazılıq bildirilib. İran səfirliyinin 4 əməkdaşının diplomatik statusa uyğun olmayan və diplomatik əlaqələr haqqında beynəlxalq konvensiya ilə ziddiyyət təşkil edən fəaliyyətinə görə arzuolunmaz şəxs elan edildiyi diqqətə çatdırılıb, həmin şəxslərin 48 saat ərzində Azərbaycan ərazisini tərk etməsi tələb olunub.
