Səndən sənə şikayətim var
2018-ci il aprelin 21-dən kənd təsərrüfatı naziri postunu tutmuş İnam Kərimov 2023-cü il aprelin 4-də Ali Məhkəmənin hakimi və sədri təyin olunub. Novator.az-ın məlumatına görə, iqtisadçı Qalib Toğrul yazır ki, İnam Kərimovun dövründə Kənd Təsərrüfatı Nazirliyi qapalı quruma çevrilib: “Nazirliyə İqtisadi Tədqiqatlar Mərkəzinin rəhbəri kimi 10-dan çox sorğu göndərmişəm. Bəzi sorğulara ümumiyyətlə cavab verilməyib, bəzilərinə başdansovdu cavab gəlib. Nazirlik 2021-ci ilin yanvarında göndərdiyim sorğuya cavab verməkdən imtina edəndə məhkəməyə üz tutdum. Bakı İnzibati Məhkəməsi və Bakı Apellyasiya Məhkəməsi iddiamı təmin etmədi.
12 oktyabr 2022-ci ildə Ali Məhkəmə işi Bakı Apellyasiya Məhkəməsinə qaytardı. Bakı Apellyasiya Məhkəməsi mayın 11-də işə yenidən baxacaq. İddiam təmin olunmasa, Ali Məhkəməyə müraciət etməliyəm, belə çıxır, kənd təsərrüfatı naziri İnam Kərimovdan olan şikayətimə Ali Məhkəmənin sədri İnam Kərimov baxacaq”.
