Monteneqroda prezident dəyişir
Monteneqroda prezident seçkisi başa çatıb. Novator.az-ın məlumatına görə, aprelin 2-də keçirilmiş ikinci turda “Avropa – indi!” hərəkatının lideri Yakov Milatoviç 58,9 faiz səslə qalib gəlib.
1986-cı il təvəllüdlü Yakov Milatoviç 2020-2022-ci illərdə iqtisadiyyat naziri postunu tutub. O, 7 namizədin mübarizə apardığı ilk turda – martın 19-da dövlət başçısı, Sosialist Demokrat Partiyasının lideri Milo Cukanoviçlə birgə önə çıxaraq ikinci tura vəsiqə almışdı.
Prezidentin səlahiyyət müddəti 5 ildir. Hökumət parlament seçkisinin nəticələri əsasında formalaşır.
1962-ci il təvəllüdlü Milo Cukanoviç 1991-1998, 2003-2006, 2008-2010 və 2012-2016-cı illərdə baş nazir, 1998-2002-ci illərdə prezident olub, 2018-ci ildə yenidən dövlət başçısı seçilib.
Mənbə: Reuters.com
