Avropa Məhkəməsindən cərimə seli
Aihmaz.org-un 30 mart məlumatına görə, Avropa İnsan Hüquqları Məhkəməsi Azərbaycandan şikayətlər qərardadlar qəbul edib. Qərardadlar Avropa İnsan Hüquqları Konvensiyası ilə verilmiş hüquqlarının pozuntusu tanınan şəxslərə təzminat ödənməsini nəzərdə tutur:
Rövşən Məmmədli və Azər Kazımzadə – hər birinə 650 avro, hüquqi məsrəflərə görə ümumilikdə 1200 avro;
Cabbar Savalanlı və başqa 17 nəfər – hər birinə 3000 avro;
Hikmət Səmədov, İsgəndər İsgəndərov, Asəf Nuriyev, Daxil Nəzərov – hər birinə 3600 avro, Rahib Məmmədov – 3000 avro, Ramiz Rzayev – 1500 avro, hüquqi məsrəflərə görə ümumilikdə 1500 avro;
Rahim Şaliyev – 1250 avro;
Ərəstun Baxşəliyev – 2850 avro.
Fransanın Strasburq şəhərində yerləşən, hakimləri Avropa Şurasına üzv ölkələrdən seçilən Avropa Məhkəməsi Avropa İnsan Hüquqları Konvensiyasına riayət olunmasına nəzarətə məsuldur.
Azərbaycan 1949-cu ildə yaradılmış Avropa Şurasına 2001-ci ildə qoşulub, 2002-ci ildən Avropa Məhkəməsinin təsir dairəsindədir.
