31 mart və 19 aprel hədləri
Mayın 14-ü Türkiyədə prezident seçkisi ilə yanaşı parlament seçkisi də keçiriləcək. Novator.az bildirir ki, Ali Seçki Qurumu 600 nəfərlik parlament – Türkiyə Böyük Millət Məclisi uğrunda yarışa 36 partiyanı buraxıb: Ana Vətən Partiyası, Böyük Birlik Partiyası, Böyük Türkiyə Partiyası, Cümhuriyyət Xalq Partiyası, Demokrat Partiyası, Demokratik Sol Partiya, Demokratiya və Sıçrayış Partiyası, Ədalət Partiyası, Ədalət-Birlik Partiyası, Ədalət və İnkişaf Partiyası, Əmək Partiyası, Gələcək Partiyası, Gənc Partiya, Güc Birliyi Partiyası, Hür Dava Partiyası, Haqq və Azadlıqlar Partiyası, Xalqın Qurtuluş Partiyası, Xalqların Demokratik Partiyası, Məmləkət Partiyası, Millət Partiyası, Milli Yol Partiyası, Milliyyətçi Hərəkat Partiyası, Müstəqil Türkiyə Partiyası, Səadət Partiyası, Sol Partiya, Türkiyə Fəhlə Partiyası, Türkiyə İslahat Partiyası, Türkiyə Kommunist Hərəkatı, Türkiyə Kommunist Partiyası, Vətən Partiyası, Yaxşı Partiya, Yaşıllar və Sol Gələcək Partiyası, Yeni Türkiyə Partiyası, Yenidən Rifah Partiyası, Yenilik Partiyası, Zəfər Partiyası.
Millət vəkilliyinə müstəqil namizədlik də mümkündür.
Namizədlərin rəsmi siyahısı aprelin 19-da açıqlanacaq.
Hazırda 577 deputatı olan parlamentdə Məclisində Ədalət və İnkişaf Partiyasının 285, Cümhuriyyət Xalq Partiyasının 134, Xalqların Demokratik Partiyasının 56, Milliyyətçi Hərəkat Partiyasının 48, Yaxşı Partiyanın 37, Türkiyə Fəhlə Partiyasının 4, Demokrat və Məmləkət partiyalarının 2, Böyük Birlik, Demokratik Bölgələr, Demokratiya və Sıçrayış, Səadət, Yenilik və Zəfər partiyalarının 1 mandatı var, 3 nəfər partiyasızdır.
Prezidentliyə namizədlərin rəsmi siyahısı martın 31-də dərc edəcək. İlkin siyahıda Ədalət və İnkişaf Partiyasının lideri, prezident Rəcəb Teyyub Ərdoğan, Cümhuriyyət Xalq Partiyasının lideri, millət vəkili Kamal Kılıçdaroğlu, Məmləkət Partiyasının lideri Məhərrəm İncə və müstəqil siyasətçi Sinan Oğan yer alır.
