Hansı ölkələr Azərbaycandan neft alır?
Dövlət Gömrük Komitəsinin hesabatına görə, Azərbaycan 2023-cü ilin yanvar-fevral aylarında 3,2 milyard dollarlıq xam neft və xam neft məhsulu ixrac edib. Novator.az bildirir ki, ixrac ünvanları statistik dəyər baxımından belə sıralanıb: İtaliya, İsrail, İspaniya, Almaniya, Hindistan, Çexiya, Türkiyə, Yunanıstan, Rumıniya, Avstriya, İrlandiya, Vyetnam, İndoneziya, Portuqaliya, Fransa.
Yanvar-fevral aylarında Azərbaycanda 5,1 milyon ton neft çıxarıldığı bəyan edilib.
Gündəlik xam neft hasilatı yanvarda 533 min barrel, fevralda 531 min barrel göstərilib.
Beynəlxalq razılaşmaya əsasən, gündəlik hasilat 684 min barreli ötə bilməz.
2023-cü ilin dövlət büdcəsində bir barrel neft 50 dollardan götürülüb. “AzəriLayt” markalı Azərbaycan nefti yanvara 87,99, fevrala 87,53, marta 85,01 dollarla başlayıb.
