Xarici ticarətin iki ayı
Dövlət Gömrük Komitəsi 2023-cü ilin yanvar-fevral ayları üzrə xarici ticarət hesabatı yayıb. Novator.az bildirir ki, statistikaya görə, iki ayda Azərbaycan 155 ölkə ilə ticarət aparıb, 4 milyard 520,4 milyon dollarlıq ixrac, 2 milyard 650,9 milyon dollarlıq idxal rəsmiləşib, gömrükdən dövlət büdcəsinə 1 milyard 8,8 milyon manat vəsait ödənib.
İxracın 85,5 faizinin neft-qaz sektoruna aid olduğu, idxalda ən böyük payın (17,1 faiz) nəqliyyat vasitələri və onların hissələrini əhatə etdiyi vurğulanır.
Məlumata əsasən, ixracın 5,8 faizi MDB ölkələrinə, 60,9 faizi Avropa İttifaqı ölkələrinə, 33,3 faizi başqa ölkələrə yönəlib, idxalda MDB-nin payı 31,6 faiz, Avropa İttifaqının payı 21,9 faiz, başqa ölkələrin payı 46,5 faiz olub.
Ticarət dövriyyəsində və ixracda əsas tərəfdaş kimi İtaliya, idxalda əsas tərəfdaş kimi Rusiya göstərilir.
