Novator.az “Avroviziya 2023” mahnı müsabiqəsinə qatılan 37 ölkənin təmsilçilərini təqdim edir:

Albaniya – Albina Kelmendi və ailəsi

Almaniya – “Lord of the Lost” qrupu

Avstraliya – “Voyager” qrupu

Avstriya – Teodora Spiriç və Selina-Maria Edbauer

Azərbaycan – Tural və Turan Bağmanovlar

Belçika – Stef Kaers

Böyük Britaniya – Mey Müller

Çexiya – “Vesna” qrupu

Danimarka – Rani Petersen

Ermənistan – Elen Yeremyan

Estoniya – Alika Milova

Finlandiya – Yere Pöyhönen

Fransa – Fatimə Zəhra Hafdi

Gürcüstan – İrina Xeçanova

Xorvatiya – “Let 3” qrupu

İrlandiya – “Wild Youth” qrupu

İslandiya – Dilya Petursdottir

İspaniya – Blanka Paloma

İsrail – Noa Kirel

İsveç – Lorin (Zeynəb Nora Təlhavi)

İsveçrə – Remo Forrer

İtaliya – Marko Menqoni

Kipr – Endrü Lambrou

Latviya – “Sudden Lights” qrupu

Litva – Monika Linkite

Malta – “The Busker” qrupu

Moldova – Pavel Parfeni

Niderland – Mixaya Nikolai və Dion Kuper

Norveç – Alessandra Mele və “Queen of Kings” qrupu

Polşa – Blanka Staykov

Portuqaliya – Marisa Mena

Rumıniya – Teodor Andrei

San Marino – “Piqued Jacks” qrupu

Serbiya – Luka İvanoviç

Sloveniya – “Joker Out” qrupu

Ukrayna – Andrey Qusulyak və Ceffri Kenni

Yunanıstan – Viktor Vernikos.

Böyük Britaniyanın Liverpul şəhərində keçiriləcək yarışın birinci yarımfinalı mayın 9-na, ikinci yarımfinalı mayın 11-nə, finalı mayın 13-nə təyin olunub.

İctimai teleradioları bir araya gətirən Avropa Yayım Birliyinin 1956-cı ildən keçirdiyi “Avroviziya” yarışında İrlandiya 7, İsveç 6, Böyük Britaniya, Fransa, Lüksemburq və Niderland 5, İsrail 4, Danimarka, İtaliya, Norveç və Ukrayna 3, Almaniya, Avstriya, İspaniya və İsveçrə 2, Azərbaycan, Belçika, Estoniya, Finlandiya, Latviya, Monako, Portuqaliya, Rusiya, Serbiya, Türkiyə, Yuqoslaviya və Yunanıstan 1 dəfə qalib olub.

Azərbaycan qatıldığı 14 “Avroviziya” yarışının 13-də finala çıxıb. 2008-ci ildə Elnur Hüseynov və Samir Cavadzadə 8-ci yeri, 2009-cu ildə Aysel Teymurzadə və Araş 3-cü yeri, 2010-cu ildə Səfurə Əlizadə 5-ci yeri, 2011-ci ildə Nigar Camal və Eldar Qasımov 1-ci yeri, 2012-ci ildə Səbinə Babayeva 4-cü yeri, 2013-cü ildə Fərid Məmmədov 2-ci yeri, 2014-cü ildə Dilarə Kazımova 22-ci yeri, 2015-ci ildə Elnur Hüseynov 12-ci yeri, 2016-cı ildə Səmra Rəhimli 17-ci yeri, 2017-ci ildə Diana Hacıyeva 14-cü yeri, 2019-cu ildə Çingiz Mustafayev 8-ci yeri, 2021-ci ildə Samirə Əfəndi 20-ci yeri, 2022-ci ildə Nadir Rüstəmli 16-cı yeri tutub.

“Avroviziya 2018”dəki təmsilçi Aysel Məmmədova yarımfinalda ələnib, 30-cu yerdə qərarlaşıb.