![]({"full":{"0":"2019\/07\/D\u0130N-Bash-Prokurorluq.jpg","1":750,"2":443,"3":false,"file":"https:\/\/novator.az\/wp-content\/uploads\/2019\/07\/D\u0130N-Bash-Prokurorluq.jpg"}})
Martın 4-də Bakının Xətai rayonundakı “Bravo” hipermarketində bank işçilərinə silahlı hücum edilib, Həşimov Rüfət Sahib oğlu həlak olub, Şaydayev Samir Ruslan oğlu ağır xəsarət alıb.
Cinayəti Baş Prokurorluğun İstintaq İdarəsi araşdırır.
Baş Prokurorluğun və Daxili İşlər Nazirliyinin 9 mart məlumatına görə, qabaqcadan əlbir olan Ruhlan İsmayılov, Dəyanət Qudrətov, Azər Məmmədov və Səbuhi Qurbanovun bir qrup şəxs halında ümumi təhlükəli üsulla və quldurluqla əlaqədar qəsdən adam öldürmə, adam öldürməyə cəhd, quldurluq və qanunsuz olaraq odlu silah, onun komplekt hissələrini, döyüş sursatını əldə edib saxlama və gəzdirmə cinayətlərini törətmələrinə əsaslı şübhələr müəyyən edilib: “İstintaq-əməliyyat tədbirləri nəticəsində şübhəli şəxs qismində saxlanan Dəyanət Qudrətova ilkin olaraq Cinayət Məcəlləsinin 120.2.1, 120.2.4, 120.2.11 29, 120.2.7 və digər maddələri, Azər Məmmədov və Səbuhi Qurbanova isə ilkin olaraq Cinayət Məcəlləsinin 32.5, 120.2.1, 32.5,120.2.4, 32.5, 120.2.11, 32.5, 29, 120.2.7 və digər maddələri ilə ittiham elan edildikdən sonra barələrində məhkəmənin qərarı əsasında həbs qətimkan tədbiri seçilib.
Martın 4-də yaxalanması istiqamətində keçirilən əməliyyat tədbirləri zamanı Ruhlan İsmayılov polis əməkdaşlarına qarşı silahlı müqavimət göstərdiyi üçün öldürülüb.
Ruhlan İsmayılovun gizləndiyi mənzildə cinayət nəticəsində əldə olunan 16 min 835 manat və 20 min 100 ABŞ dolları pul, “AKS Lancaster-03” markalı odlu silah, 1 ədəd “Makarov” və 1 ədəd “Colt” tipli tapançalar, çoxsaylı döyüş sursatları, əməliyyat tədbiri nəticəsində saxlanan şübhəli şəxs Dəyanət Qudrətovunun üzərindən isə 1 ədəd “Blow TR 92D” modelli tapança aşkar edilərək götürülüb. Cinayət işi üzrə istintaq və əməliyyat-axtarış tədbirləri davam etdirilir”.