Azərbaycan “Avroviziya”ya əkizləri göndərir
Azərbaycanı “Avroviziya 2023” beynəlxalq mahnı müsabiqəsində əkiz qardaşlar – Tural və Turan Bağmanovlar təmsil edəcək. Rəsmi xəbər martın 9-da yayılıb.
2000-ci il oktyabrın 30-u Zaqatala şəhərində doğulan qardaşlar uşaq yaşlarından ifaçılıqla məşğuldurlar.
Novator.az bildirir ki, Böyük Britaniyanın Liverpul şəhərində keçiriləcək yarışın birinci yarımfinalı mayın 9-na, ikinci yarımfinalı mayın 11-nə, finalı mayın 13-nə təyin olunub. Müsabiqəyə qatılan daha 33 ölkə təmsilçisini müəyyənləşdirib:
Albaniya – Albina Kelmendi və ailəsi
Almaniya – “Lord of the Lost” qrupu
Avstraliya – “Voyager” qrupu
Avstriya – Teodora Spiriç və Selina-Maria Edbauer
Belçika – Stef Kaers
Çexiya – “Vesna” qrupu
Danimarka – Rani Petersen
Ermənistan – Elen Yeremyan
Estoniya – Alika Milova
Finlandiya – Yere Pöyhönen
Fransa – Fatimə Zəhra Hafdi
Gürcüstan – İrina Xeçanova
Xorvatiya – “Let 3” qrupu
İrlandiya – “Wild Youth” qrupu
İslandiya – Dilya Petursdottir
İspaniya – Blanka Paloma
İsrail – Noa Kirel
İsveçrə – Remo Forrer
İtaliya – Marko Menqoni
Kipr – Endrü Lambrou
Latviya – “Sudden Lights” qrupu
Litva – Monika Linkite
Malta – “The Busker” qrupu
Moldova – Pavel Parfeni
Niderland – Mixaya Nikolai və Dion Kuper
Norveç – Alessandra Mele və “Queen of Kings” qrupu
Polşa – Blanka Staykov
Rumıniya – Teodor Andrei
San Marino – “Piqued Jacks” qrupu
Serbiya – Luka İvanoviç
Sloveniya – “Joker Out” qrupu
Ukrayna – Andrey Qusulyak və Ceffri Kenni
Yunanıstan – Viktor Vernikos.
Böyük Britaniya, İsveç və Portuqaliya seçimi bitirməyib.
İctimai teleradioları bir araya gətirən Avropa Yayım Birliyinin 1956-cı ildən keçirdiyi “Avroviziya” yarışında İrlandiya 7, İsveç 6, Böyük Britaniya, Fransa, Lüksemburq, Niderland 5, İsrail 4, Danimarka, İtaliya, Norveç, Ukrayna 3, Almaniya, Avstriya, İspaniya, İsveçrə 2, Azərbaycan, Belçika, Estoniya, Finlandiya, Latviya, Monako, Portuqaliya, Rusiya, Serbiya, Türkiyə, Yuqoslaviya, Yunanıstan 1 dəfə qalib olub.
Azərbaycan qatıldığı 14 “Avroviziya” yarışının 13-də finala çıxıb. 2008-ci ildə Elnur Hüseynov və Samir Cavadzadə 8-ci yeri, 2009-cu ildə Aysel Teymurzadə və Araş 3-cü yeri, 2010-cu ildə Səfurə Əlizadə 5-ci yeri, 2011-ci ildə Nigar Camal və Eldar Qasımov 1-ci yeri, 2012-ci ildə Səbinə Babayeva 4-cü yeri, 2013-cü ildə Fərid Məmmədov 2-ci yeri, 2014-cü ildə Dilarə Kazımova 22-ci yeri, 2015-ci ildə Elnur Hüseynov 12-ci yeri, 2016-cı ildə Səmra Rəhimli 17-ci yeri, 2017-ci ildə Diana Hacıyeva 14-cü yeri, 2019-cu ildə Çingiz Mustafayev 8-ci yeri, 2021-ci ildə Samirə Əfəndi 20-ci yeri, 2022-ci ildə Nadir Rüstəmli 16-cı yeri tutub.
“Avroviziya 2018”dəki təmsilçi Aysel Məmmədova yarımfinalda ələnib.
