Ramiz Rzayev postdan getdi
Martın 6-sı Ali Məhkəmədə sədr Ramiz Rzayevin səlahiyyət müddətinin bitməsi ilə əlaqədar tədbir keçirilib.
Ali Məhkəmənin hakimləri üçün son yaş həddi 68-dir.
Ramiz Rzayev 25 fevral 1953-cü ildə doğulub. Bakı Dövlət Universitetinin hüquq fakültəsini bitirib. 1979-cu ildən prokurorluq orqanlarında çalışıb, 1995-ci ildən Azərbaycanın hərbi prokuroru, 2000-ci ildən baş prokurorun birinci müavini postlarını tutub, 2005, 2010, 2015 və 2018-ci illərdə Ali Məhkəmənin sədri təyin edilib.
“Azərbaycan Bayrağı”, “Şöhrət”, 1-ci dərəcəli “Vətənə xidmətə görə”, “Şərəf” ordenləri ilə təltif olunub.
