Cəbhəçi aksiyadan çəkilmir
Vəkil Nemət Kərimli martın 6-sı Bakı İstintaq Təcridxanasında AXCP üzvü Zamin Salayevə baş çəkib. “Turan”a danışan vəkil deyib ki, Zamin Salayev aclıq aksiyasını davam etdirir: “Zaminin durumu çox ağırdır. Tutulandan bəri 20 kiloqram çəki itirib, çətinliklə hərəkət edir, kəskin ürək ağrısından əziyyət çəkir, amma ona heç bir tibbi yardım göstərilmir. Çağırışlara, o cümlədən AXCP sədri Əli Kərimlinin xahişinə baxmayaraq Zamin aclığı dayandırmaq istəmir, sonadək gedəcəyini deyir”.
AXCP-nin Salyan şöbəsinin sədri olan Zamin Salayev fevralın 7-si Bakının Lökbatan qəsəbəsində tutulub. Rəsmi iddiaya görə, cəbhəçi həmin gün Sahil qəsəbəsinin sakini Natiq Süleymanova bıçaqla xəsarət yetirib. Cəbhəçi Cinayət Məcəlləsinin silah tətbiq etməklə xuliqanlıqda təqsirli bilinir. Bu ittiham 2 ildən 5 ilədək müddətə azadlıqdan məhrumetmə cəzası nəzərdə tutur. İstintaqı Qaradağ Rayon Polis İdarəsi aparır.
Fevralın 8-də Qaradağ Rayon Məhkəməsi Zamin Salayev barəsində 3 aylıq həbs qətimkan tədbiri seçib. Bakı Apellyasiya Məhkəməsi fevralın 20-də qərarı qüvvədə saxlayıb.
Zamin Salayev ittihamı qəbul etmir, tutulduğu gündən aclıq aksiyası keçirir.
Cəbhəçi 2020-ci il aprelin 20-dən 2022-ci il yanvarın 19-dək ağır cinayətdə ittiham etməklə böhtan və təhqir ittihamı ilə həbsdə yatıb, siyasi məhbus sayılıb.
AXCP sədri Zamin Salayevdən yazıb
Zamin Salayev: məhkəmə qərar verdi
Zamin Salayev qərarından dönmür
Zamin Salayev 8 kiloqram arıqlayıb
Əli Kərimli: “Biganə qalmamalıyıq”
