Estoniyada yeni hərbi təşəbbüs
Estoniya müharibə dövrü üçün müdafiə qüvvələrini artıra bilər. Təklifi martın 1-də ölkənin müdafiə naziri verib.
Novator.az bildirir ki, rəsmi məlumata görə, hazırda Estoniyanın müharibə dövrü üçün müdafiə qüvvələri 26 min 700 nəfərdir. Bu rəqəmi 43 min 700 nəfərə qaldırmaq nəzərdə tutulur.
Quru qoşunlarının sayını 10 min 500 nəfərə, birinci dərəcəli ehtiyatdakı şəxslərin sayını 4 min nəfərə çatdırmaq planı var.
Əsas diqqətin tank əleyhinə və hava hücumundan müdafiə qüvvələrinə yönəldiləcəyi vurğulanır.
Estoniya 2004-cü ildən Şimali Atlantika Müqaviləsi Təşkilatı (NATO) hərbi-siyasi ittifaqının üzvüdür.
