Bahalıq 5,7 milyard manat gətirib
Rəsmi statistikaya əsaslanan iqtisadçı Rövşən Ağayev yazır ki, 2022-ci ildə neft və qazın bahalaşması Azərbaycanın təbii resurs ixracından gəlirini 5,7 milyard manat artırıb: “Qaz ixracında artım, xam neftin ixracında azalma qeydə alınıb. Yəni 5,7 milyard manatlıq əlavə qazanc resursların fiziki həcminin artımından qaynaqlanmır. 2022-ci ildə neft hasilatı 2 milyon ton azalıb, qaz hasilatı 2,5 milyard kubmetr artıb, neft-qaz sektorunda 5 faizə yaxın real azalma rəsmiləşib.
23,8 milyard manatlıq resurs gəlirlərinin 7,5 milyard manatı vergi formasında, 16,3 milyard manatı təbii sərvət üzərində mülkiyyət hüquqlarına görə Dövlət Neft Fonduna daxilolmalardır”.
İqtisadçı 2021-ci ildə cəmi resurs gəlirlərinin 18,1 milyard manat olduğunu xatırladır.
