Yeni dövlət planı
Fevralın 28-də sərəncam imzalayan prezident İlham Əliyev cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizəyə dair milli fəaliyyət planını təsdiqləyib. 2023-2025-ci illər üzrə planda icraçı qismində nəzərdə tutulmuş mərkəzi icra hakimiyyəti orqanlarına, publik hüquqi şəxslərə, İqtisadiyyat Nazirliyi yanında Dövlət Vergi Xidmətinə, Ali Məhkəməyə, Baş Prokurorluğa, Mərkəzi Banka, Auditorlar Palatasına və Vəkillər Kollegiyasına bu tapşırıq və tövsiyələr verilib: planın icrası üzrə illik iş planlarını təsdiqləmək və Koordinasiya Şurasına, Korrupsiyaya Qarşı Mübarizə üzrə Komissiyaya bu barədə məlumat göndərmək; planda nəzərdə tutulan tədbirlərin icrası barədə hər il yanvarın 31-dək Koordinasiya Şurasına və Korrupsiyaya Qarşı Mübarizə üzrə Komissiyaya illik hesabat təqdim etmək.
