Qeyri-neft ixracı 22,6 faiz artıb
İqtisadi İslahatların Təhlili və Kommunikasiya Mərkəzi bildirir ki, 2023-cü ilin yanvarında Azərbaycandan 284,5 milyon ABŞ dolları dəyərində qeyri-neft məhsulu ixrac olunub, 2022-ci ilin ilk ayı ilə müqayisədə 22,6 faiz artım qeydə alınıb. İlk üçlükdə qərarlaşan elektrik enerjisi ixracı 72,4 milyon dollar, pambıq mahlıcı ixracı 15,5 milyon dollar, meşə fındığı ixracı 11,8 milyon dollar göstərilir.
Dövlət Gömrük Komitəsi neftsiz ixracın əsas ünvanlarını belə sıralayıb: Türkiyə, Rusiya, Gürcüstan, Ukrayna, İsveçrə, Qazaxıstan, Kipr, Türkmənistan, Rumıniya, Niderland, Almaniya, İran.
