Məzənnələrin iki ayı
Novator.az Mərkəzi Bankın saytında rəsmi məzənnələrin 2023-cü ilin ilk iki ayında necə dəyişməsinə nəzər salıb.
Avro ilə 1,8029 manatla başlayıb, yuxarı kurs yanvarda 1,8553, fevralda 1,8735 manat olub.
Gürcüstan larisi ilə 0,6296 manatla qədəm qoyub, yanvarda 0,6442, fevralda 0,6481 manatı ötməyib.
Rusiya rublunun siftə qiyməti 0,0236 manat olub, maksimum hədd yanvarda 0,0250, fevralda 0,0244 manat göstərilib.
Türkiyə lirəsi 0,0907 manatla start götürüb, zirvə yanvarda 0,0908, fevralda 0,0904 manat olub.
2015-ci ilin devalvasiyalarında ABŞ dollarının rəsmi kursu 0,7844 manatdan 1,5594 manata yüksəlib. 2016-cı ili 1,7707 manat, 2017-ci ili 1,7001 manatla yola salan dollar 2018-ci il martın 7-dən 1,7 manata təklif olunur.
Manat valyuta hərraclarında qorunur. Dövlət Neft Fondu Mərkəzi Bankın 2023-cü ilin yanvar ayında keçirdiyi valyuta hərraclarında 188,5 milyon ABŞ dolları məbləğində vəsait satıb.
Analoji həcm 2016-cı ildə 4,9 milyard, 2017-ci ildə 3,6 milyard, 2018-ci ildə 6,5 milyard, 2019-cu ildə 6,6 milyard, 2020-ci ildə 7,3 milyard, 2021-ci ildə 6,7 milyard, 2022-ci ildə 4,7 milyard ABŞ dolları məbləğində rəsmiləşib.
