Artım anonsu, indiki maaşlar
Prezident İlham Əliyev dövlət ümumi təhsil müəssisələrində çalışan, bilik və bacarıqlarının diaqnostik qiymətləndirilməsi aparılmış müəllimlərin, həmin müəssisələrin direktor və direktor müavinlərinin aylıq vəzifə maaşlarının orta hesabla 10 faiz artırılmasına sərəncam verib. 2023-cü il fevralın 1-dən tətbiq olunacaq artımlarla bağlı yekun qərarın qəbulu Nazirlər Kabinetinə həvalə edilib.
Novator.az bildirir ki, həftədə 18 saat dərs yükü olan müəllimlərin maaşı 2022-ci il yanvarın 1-dən belə rəsmiləşib:
pedaqoji stajı 3 ilə qədər olanlar (ali təhsilli 552 manat, orta ixtisas təhsilli 504 manat);
pedaqoji stajı 3 ildən 8 ilə qədər olanlar (ali təhsilli 594 manat, orta ixtisas təhsilli 534 manat);
pedaqoji stajı 8 ildən 13 ilə qədər olanlar (ali təhsilli 624 manat, orta ixtisas təhsilli 552 manat);
pedaqoji stajı 13 ildən 18 ilə qədər olanlar (ali təhsilli 666 manat, orta ixtisas təhsilli 588 manat);
pedaqoji stajı 18 ildən çox olanlar (ali təhsilli 714 manat, orta ixtisas təhsilli 636 manat).
Direktorların aylıq vəzifə maaşı 799 manat, direktorun müavinlərinin aylıq vəzifə maaşı 719 manatdır.
