Bəxtiyara müraciət, Bəxtiyar müraciəti
AXCP sədri Əli Kərimli məhbus ictimai fəal Bəxtiyar Hacıyevi aclığı dayandırmağa çağırıb. Novator.az-ın məlumatına görə, siyasətçinin fevralın 24-də yaydığı müraciətdə bu ifadələr yer alır: “Bəxtiyar bəy, çox ciddi mübarizə apardın, mübarizədə iradə, əzm nümayiş etdirdin. Ancaq artıq dayanmaq lazımdır. Aclığı dayandırıb, reabilitasiyanla məşğul ol. Səni məhv etmək istəyənlərin inadına yaşamalısan. Oğrularla, zorbalıq edənlərlə, xalqa zülm edənlərlə mübarizə üçün, xalqın sözünü demək üçün yaşamalısan!”
Müsavat Partiyasının başqanı Arif Hacılı yazır ki, Bəxtiyar Hacıyevin aclıq aksiyası ağır nəticələr verə bilər: “Aydın görünür ki, Bəxtiyar Hacıyev tələbinin yerinə yetirilməsi naminə hətta həyatına qəsd etməyə hazırdır. Bəxtiyar Hacıyevin aclıq aksiyasının ölümlə nəticələnməsi və ya onun səhhətində dönməz fəsadların yaranması Azərbaycan tarixinə jurnalist Elmar Hüseynovun qətli ilə eyni səhifədə yazılacaq. Azərbaycan hakimiyyəti bu amili də nəzərə almalı, Bəxtiyar Hacıyevi dərhal azad etməlidir!”
Xətai Rayon Məhkəməsi 2022-ci il dekabrın 9-da Bəxtiyar Hacıyev barəsində 1 ay 20 günlük həbs qətimkan tədbiri seçib, 2023-cü il yanvarın 21-də həbs müddətini fevralın 28-dək, fevralın 23-də aprelin 28-dək uzadıb.
Fəal ötən il dekabrın 15-dən 29-dək Bakı İstintaq Təcridxanasında azadlığa buraxılmaq tələbi ilə aclıq aksiyası keçirib, bu il yanvarın 9-dan yenidən aclıq edir, səhhəti ağırlaşdığına görə fevralın 10-da Penitensiar Xidmətin Müalicə Müəssisəsinə köçürülüb.
Bəxtiyar Hacıyevə Cinayət Məcəlləsinin 221.2.2 və 289.1-ci maddələri ilə ittiham irəli sürülüb. İstintaqı aparan Bakı Şəhər Baş Polis İdarəsinin iddiasına görə, jurnalist Ülviyyə Alovlu ilə mülki münaqişədə olan Bəxtiyar Hacıyev bu iş üzrə məhkəmə proseslərinin birində dava salıb. Bəxtiyar Hacıyev ittihamı rədd edir, siyasi təzyiqə məruz qaldığını deyir.
221.2.2-ci maddəyə əsasən, ictimai qaydanın qorunması üzrə vəzifəni yerinə yetirən və ya ictimai qaydanın pozulmasının qarşısını alan hakimiyyət nümayəndəsinə və ya digər şəxsə müqavimət göstərməklə xuliqanlıq bir çox cəza, o cümlədən 1 ildən 3 ilədək müddətə azadlıqdan məhrumetmə nəzərdə tutur.
289.1-ci maddəyə görə, məhkəmə baxışı iştirakçılarını təhqir etməklə məhkəməyə hörmətsizlik etmənin maksimum cəzası 6 ayadək müddətə azadlıqdan məhrumetmədir.
1982-ci il təvəllüdlü Bəxtiyar Hacıyev Bakı Dövlət Universitetinin və ABŞ-ın Harvard Universitetinin məzunudur. O, 2011-2012-ci illərdə hərbi çağırışdan yayınmaq ittihamı ilə həbsdə yatıb, siyasi məhbus sayılıb.
Bəxtiyar Hacıyevə hansı ittihamlar verilib?
Bəxtiyar Hacıyev prosesi təyin olunub
Bəxtiyar Hacıyev barədə qərar, onun qərarı
Bəxtiyar Hacıyev aclığı davam etdirir
Vəkil Bəxtiyar Hacıyevə baş çəkdi
Bəxtiyar Hacıyevdən köçürülmək istəyi
Məhkəmə Bəxtiyar Hacıyevi həbsdə saxladı
Bəxtiyar Hacıyev: yeni proses, Avropa Məhkəməsindən qərar
Bəxtiyar Hacıyev yenə buraxılmadı
Əli Kərimli Bəxtiyar Hacıyevə səslənib
Bəxtiyar Hacıyev aclığı dayandırdı
Bəxtiyar həbsdə qaldı, yenə aclıq qərarı verdi
Bəxtiyara ittihamlar yeniləndi
Prezidentə Bəxtiyar və Əvəz müraciəti
Bəxtiyar Hacıyevin məhbəs məktubu
Bəxtiyar Hacıyev qərarı dəyişmədi
Bəxtiyarın müayinəsi: rəsmi müraciət olunub
Ombudsman Bəxtiyar Hacıyevə baş çəkib
Bəxtiyar Hacıyevin istəyi, çağırışlar
ABŞ səfirliyinin Bəxtiyar narahatlığı
Bəxtiyar sistem qəbulundan imtina etdi
“Bəxtiyar Hacıyevi itirə bilərik”
Bəxtiyar quru aclığa keçmək istəyib
Bəxtiyar Hacıyev: yeni ünvan, yenə aclıq
Bəxtiyar Hacıyev quru aclığa keçdi
Vəkil: “Bəxtiyarın həyatı təhlükədədir”
Bəxtiyar qərarı yenə dəyişmədi
Bəxtiyar quru aclığı dayandırdı
