“AzəriLayt” nə qədər ucuzlaşıb?
Energetika Nazirliyinin 24 fevral məlumatına görə, “AzəriLayt” markalı Azərbaycan neftinin barreli 82,95 dollara satılır. Bu, ilin əvvəlindəki qiymətdən 5,04 dollar aşağı qiymətdir.
2023-cü ilin dövlət büdcəsində bir barrel neft 50 dollardan götürülüb. “AzəriLayt” yanvara 87,99, fevrala 87,53 dollarla başlayıb.
Yanvarda Azərbaycanın gündəlik xam neft hasilatı 533 min barrel göstərilib. Beynəlxalq razılaşma gündəlik hasilat normasını 684 min barrel müəyyən edib.
