Vamiq Mikayıl oğlu Əsədov
Dövlət qulluqçusu, hüquqşünas Vamiq Əsədov vəfat edib.
Novator.az bildirir ki, Vamiq Mikayıl oğlu Əsədov 1948-ci il iyulun 10-u Şuşa şəhərində doğulub. Bakı Dövlət Universitetinin hüquq fakültəsini bitirib.
Şuşa Rayon Xalq Deputatları Sovetinin İcraiyyə Komitəsində ümumi şöbənin müdiri, hüquq şöbəsinin müdiri, Şuşa Rayon Dövlət Notariat Kontorunda dövlət notariusu postlarını tutub, Şuşa Rayon Xalq Məhkəməsinin xalq hakimi, Şuşa rayon prokurorunun köməkçisi, Ağdaş rayon prokurorunun böyük köməkçisi, Mərkəzi Seçki Komissiyasının üzvü, Baş Prokurorluğun Daxili işlər orqanlarının istintaq, təhqiqat və əməliyyat-axtarış fəaliyyətində qanunların icrasına nəzarət idarəsinin prokuroru, Qusar rayon prokuroru olub.
2006-cı ildə “Dövlət qulluğunda fərqlənməyə görə” medalı ilə təltif edilib.
Allah rəhmət eləsin!
