Şəhid müəllim bilik yarışında anılır
“Global Olympic Center”in təşkilatçılığı ilə biologiya üzrə bilik yarışı keçirilir. VII-VIII sinif şagirdlərini əhatə edən yarış şəhid müəllim Tural Rəhimovun xatirəsinə həsr olunub.
Ölkənin 2000-dən çox şagirdinin onlayn qatıldığı ilk mərhələdə şagirdlərə 25 sual təqdim edilib, 221 nəfər final mərhələsinə vəsiqə qazanıb.
Final turu martın 4-ü Bakıda əyani təşkil olunacaq.
Qaliblər martın 11-də mükafatlandırılacaq. 1-3-cü yerləri tutanlara noutbuk, planşet, ağıllı saat, şəhidin xatirəsinə hazırlanmış xüsusi medal və diplom veriləcək. 4-10 yerlərdə qərarlaşanlar müxtəlif hədiyyələr və sertifikatlar alacaq.
Şagirdlərin müəllimləri üçün də mükafatlar nəzərdə tutulub.
Bilik yarışına “Uniser Education”, “Sporta” və “Dəyər” nəşrləri dəstək verir.
Zabit Tural Rəhimov İkinci Qarabağ müharibəsinin şəhididir.
