İş və işsizlik statistikası
2023-cü il fevralın 1-nə Azərbaycanda 302,4 min nəfər rəsmi işsiz qeydə alınıb. Novator.az bildirir ki, Dövlət Statistika Komitəsi iqtisadi fəal əhalinin sayını 5 milyon 358,9 min nəfər, məşğul şəxslərin sayını 5 milyon 56,5 min nəfər göstərib.
Hesabata görə, 2022-ci ildə ölkədə 71,3 min yeni iş yeri açılıb, 11,9 min iş yeri bağlanıb, yanvarın 1-nə muzdla çalışan işçilərin sayı 1 milyon 733,9 min nəfər olub, iqtisadiyyatın dövlət sektorunda 903,3 min nəfər, qeyri-dövlət sektorunda 830,6 min nəfər fəaliyyət göstərib.
