Fevralın 20-si axşam Türkiyədə yeni güclü zəlzələlər qeydə alınıb. Təbii fəlakətin mərkəzi bu dəfə Hatay elinə düşüb. Rəsmi məlumata görə, yerli vaxtla saat 9-a işləmiş Dəfnə rayonu 6,4 bal, Samandağ rayonu 5,8 bal gücündə silkələnib. Yeraltı təkanlar ətraf ellərdə də duyulub. Dağıntılar, xəsarət alanlar, həlak olanlar var.

Türkiyə iki həftədir zəlzələ dalğasından keçir. Fevralın 6-sı Qəhrəmanmaraş elinin Bazarcıq rayonunda 7,7 ballıq, Elbistan rayonunda 7,6 ballıq zəlzələlər Adana, Adıyaman, Diyarbəkir, Elazığ, Hatay, Kilis, Qaziantep, Malatya, Osmaniyə, Şanlıurfa ellərini də vurub, böyük dağıntılar yaranıb, 41169 nəfər həlak olub.