“Qarabağ” 1/8 finala çıxsa…
UEFA Konfrans Liqasında Azərbaycanı təmsil edən “Qarabağ” 1/16 finalın ilk oyununda (Bakı, 16 fevral) Belçikanın “Gent” komandasını 1:0 hesabı ilə udub. Cavab matçı fevralın 23-ü Belçikada keçiriləcək. Novator.az bildirir ki, 1/8 finala çıxacağı təqdirdə “Qarabağ” bu komandalardan birinə rəqib olacaq:
“Vest Hem” (İngiltərə)
“Nitsa” (Fransa)
“Vilyarreal” (İspaniya)
“Alkmaar” (Niderland)
“Yurqorden” (İsveç)
“Slovan” (Slovakiya)
“Başakşəhər” (Türkiyə)
“Sivasspor” (Türkiyə).
Əsası 1951-ci ildə Ağdam şəhərində qoyulan “Qarabağ” komandası 1 dəfə Azərbaycan SSR-in, 9 dəfə müstəqil Azərbaycanın çempionu olub, 7 dəfə Azərbaycan kubokunu qazanıb.
“Qarabağ” doqquzuncu mövsümdür Avropa kuboklarının əsas raundlarında çıxış edir. Komanda 2014-2015, 2015-2016, 2016-2017, 2018-2019, 2019-2020, 2020-2021 mövsümlərində Avropa Liqasının qrup mərhələsində, 2017-2018 mövsümündə Çempionlar Liqasının qrup mərhələsində oynayıb, 2021-2022-ci il mövsümündə Konfrans Liqasının 1/16 finalına çıxıb.
2022-2023 mövsümünə Çempionlar Liqasında başlayan “Qarabağ” əvvəl Avropa Liqasına adlayıb, sonra Konfrans Liqasına ələnib.
