Vergidən azadlıq layihəsi
Vergi Məcəlləsində dəyişiklik layihəsi parlamentin 17 fevral iclasında müzakirə olunaraq ilk oxunuşda qəbul edilib. Novator.az bildirir ki, layihəyə görə, media subyektlərinin (audiovizual media subyektləri istisna olmaqla) öz fəaliyyətlərindən əldə etdikləri gəlirlər (o cümlədən reklam gəlirləri), habelə müvafiq icra hakimiyyəti orqanının müəyyən etdiyi orqanın (qurumun) verdiyi maddi yardımlar 2023-cü il yanvarın 1-dən 3 il müddətinə gəlir vergisindən, mənfəət vergisindən və sadələşdirilmiş vergidən azaddır.
Həmçinin media subyektlərinin (audiovizual media subyektləri istisna olmaqla) istehsalı olan media məhsullarının təqdim edilməsi, habelə Azərbaycanda daimi nümayəndəlik yaratmayan qeyri-rezident şəxslərin media subyektlərinə (audiovizual media subyektləri istisna olmaqla) media fəaliyyəti ilə bilavasitə bağlı işlər görməsi və xidmətlər göstərməsi 2023-cü il yanvarın 1-dən 3 il müddətinə əlavə dəyər vergisindən azad edilir.
