Qapı azca aralandı
UEFA Konfrans Liqasının 1/8 finalına bilet uğrunda oyunlar start götürüb. Novator.az-ın məlumatına görə, Azərbaycan təmsilçisi “Qarabağ” fevralın 16-sı Bakıda Belçikanın “Gent” komandasını qəbul edib. Görüşdə “Qarabağ” üstün gəlib – 1:0.
Cavab oyunu fevralın 23-ü Belçikada keçiriləcək.
“Qarabağ” doqquzuncu mövsümdür Avropa kuboklarının əsas raundlarında çıxış edir. Komanda 2014-2015, 2015-2016, 2016-2017, 2018-2019, 2019-2020, 2020-2021 mövsümlərində Avropa Liqasının qrup mərhələsində, 2017-2018 mövsümündə Çempionlar Liqasının qrup mərhələsində oynayıb, 2021-2022-ci il mövsümündə Konfrans Liqasının qrup mərhələsində yer alaraq növbəti raunda çıxıb. 2022-2023 mövsümünə Çempionlar Liqasında başlayan “Qarabağ” əvvəl Avropa Liqasına adlayıb, sonra Konfrans Liqasına ələnib.
