Dəstək marafonunda nə qədər pul yığılıb?
Türkiyədə zəlzələ qurbanlarına dəstək marafonunun nəticələri açıqlanıb. Hesabata görə, 15 fevral axşamından fevralın 16-na keçən gecəyədək keçirilmiş aksiyanı yerli və xarici 213 televiziya, 562 radio birbaşa yayıb, 115 milyard 146 milyon 528 min lirə (10,4 milyard manata yaxın) pul toplanıb.
Qəhrəmanmaraş vilayətinin Bazarcıq və Elbistan rayonlarında fevralın 6-da baş vermiş iki güclü zəlzələ Adana, Adıyaman, Diyarbəkir, Elazığ, Hatay, Kilis, Qaziantep, Malatya, Osmaniyə, Şanlıurfa vilayətlərini də vurub, dağıntılar yaranıb, son rəsmi məlumata əsasən, 35418 nəfər həlak olub.
