Şotland liderdən istefa qərarı
Şotlandiya hökumətinin başçısı Nikola Stercen birinci nazir və hakim partiyanın lideri postlarından gedir. Novator.az-ın məlumatına görə, fevralın 15-də istefa bəyanatı verən siyasətçi varisi seçilənə qədər səlahiyyətlərini saxlayacağını deyib.
1970-ci il təvəllüdlü Nikola Stercen 2014-cü ildən Şotland Milli Partiyasının lideri və birinci nazirdir. Parlamentdə çoxluq təşkil edən Şotland Milli Partiyası Şotlandiyanın Böyük Britaniyadan ayrılmasına tərəfdardır.
1707-ci ildən İngiltərə ilə ittifaqda olan Şotlandiya 1997-ci ildə muxtariyyət əldə edib.
2014-cü il sentyabrın 18-də Şotlandiyada ilk müstəqillik referendumu olub, seçicilərin 55,4%-i Böyük Britaniyanın tərkibində qalmağı üstün bilib.
Uels və Şimali İrlandiya da Böyük Britaniyaya daxildir.
