İlk ayın xarici ticarəti
Dövlət Gömrük Komitəsi 2023-cü ilin ilk xarici ticarət hesabatını yayıb. Novator.az bildirir ki, statistikaya görə, yanvarda Azərbaycan 136 ölkə ilə ticarət aparıb, 1,8 milyard dollarlıq ixrac, 1,4 milyard dollarlıq idxal rəsmiləşib, gömrükdən dövlət büdcəsinə 506,7 milyon manat vəsait ödənib.
İxracın 84,8 faizinin neft-qaz sektoruna aid olduğu, idxalda ən böyük payın (23,1 faiz) nəqliyyat vasitələri və onların hissələrini əhatə etdiyi vurğulanır.
Məlumata əsasən, ixracın 5,4 faizi MDB ölkələrinə, 55,2 faizi Avropa İttifaqı ölkələrinə, 39,4 faizi başqa ölkələrə yönəlib, idxalda MDB-nin payı 29,9 faiz, Avropa İttifaqının payı 27,1 faiz, başqa ölkələrin payı 43 faiz olub.
Ticarət dövriyyəsində və ixracda əsas tərəfdaş kimi İtaliya, idxalda əsas tərəfdaş kimi Rusiya göstərilir.
