Azərbaycandan neft alan ölkələr
Dövlət Gömrük Komitəsinin hesabatına görə, Azərbaycan 2023-cü ilin yanvarında 1 milyard 397,7 milyon dollarlıq xam neft və xam neft məhsulu ixrac edib. Novator.az bildirir ki, ixrac ünvanları statistik dəyər baxımından belə sıralanıb: İtaliya, İsrail, Almaniya, Hindistan, Vyetnam, Çexiya, İrlandiya, Rumıniya, Avstriya, Yunanıstan, Türkiyə, İspaniya.
İlk ayda Azərbaycanın neft hasilatı 2,7 milyon ton, gündəlik xam neft hasilatı 533 min barrel göstərilib. Ölkənin gündəlik hasilat norması 684 min barreldir.
2023-cü ilin dövlət büdcəsində bir barrel neft 50 dollardan götürülüb. “AzəriLayt” markalı Azərbaycan nefti yanvara 87,99, fevrala 87,53 dollarla başlayıb.
