Alış-verişdə əsas tərəfdaşlar
2023-cü ilin yanvarında Azərbaycanın əsas ticarət tərəfdaşı İtaliya olub. Dövlət Gömrük Komitəsi bu ölkə ilə ticarət dövriyyəsini 652,6 milyon dollar göstərib.
Novator.az bildirir ki, Türkiyə 401,5 milyon dollarla ikinci, Rusiya 336,2 milyon dollarla üçüncü yerdə qərar tutub.
Hesabata görə, İsraillə 237,9 milyon, Çinlə 192,2 milyon, Fransa ilə 186,2 milyon, Almaniya ilə 160,6 milyon, Hindistanla 107,4 milyon, Vyetnamla 92 milyon, Çexiya ilə 88,9 milyon, Gürcüstanla 69,6 milyon, Türkmənistanla 66,9 milyon, Rumıniya ilə 60,4 milyon, Avstriya ilə 57,8 milyon, İrlandiya ilə 57,2 milyon dollarlıq ticarət rəsmiləşib.
