Sabiq prezident həbsdən çıxdı
Qırğızıstanın sabiq prezidenti Almazbek Atambayev azadlığa buraxılıb. Novator.az-ın məlumatına görə, qərarı fevralın 14-də Qırğızıstanın Ali Məhkəməsi qəbul edib.
Almazbek Atambayev prezident postunu 2011-2017-ci illərdə tutub. O, 2019-cu il avqustun 8-dən həbs edilmiş, 2020-ci il iyunun 23-də 11 il 2 aylıq azadlıqdan məhrumetmə cəzası almışdı. Keçmiş dövlət başçısı 2013-cü ildə kriminal avtoritet Əziz Batukayevi həbsdən saxta tibbi sənədlər əsasında qanunsuz buraxdırmaqda təqsirli bilinmişdi.
Ali Məhkəmənin 14 fevral qərarı ilə həmin işin istintaqı yenilənib, paytaxt Bişkekin Pervomaysk Rayon Məhkəməsi isə azadlığa buraxılan sabiq prezidentə müalicə üçün ölkəni tərk etmək icazəsi verib.
