Moldova hökumətinə kim başçılıq edəcək?
Moldova prezidenti Mayya Sandu baş nazir postuna Dorin Reçanın namizədliyini irəli sürüb. Novator.az bildirir ki, 1974-cü il təvəllüdlü Dorin Reçan 2010-2012-ci illərdə rabitə və informasiya texnologiyaları nazirinin müavini, 2012-2015-ci illərdə daxili işlər naziri olub, 2022-ci ildən Təhlükəsizlik Şurasının katibidir.
Əvvəlki baş nazir Natalya Qavrilitsa fevralın 10-da istefa verib.
Moldova parlament respublikasıdır, hökuməti 101 yerlik qanunverici orqanda mandatların yarıdan çoxuna sahib olan partiya qurur. Hakim Hərəkət və Həmrəylik Partiyasının təmsilçisi olan Natalya Qavrilitsa baş nazir postunu 2021-ci il avqustun 6-dan tuturdu.
2020-ci ildən prezidentlik edən Mayya Sandu da Hərəkət və Həmrəylik Partiyasının təmsilçisidir.
