“Bəxtiyar Hacıyevi itirə bilərik”
AXCP sədri Əli Kərimli ictimai fəal Bəxtiyar Hacıyevi həbsdən buraxmağa çağırıb. Novator.az-ın məlumatına görə, siyasətçi məhbusun vəkili Aqil Layicə istinadla Bəxtiyar Hacıyevin tanınmaz vəziyyətdə olduğunu, hər an faciə baş verə biləcəyini yazır: “Bəxtiyar Hacıyevi itirə bilərik. O, qanunsuz həbsinə etiraz olaraq bir aydan çoxdur aclıq edir. Xalqımızın bütün diqqətinin Türkiyədəki zəlzələ dalğasının qurbanlarına yönəlməsini rejim öz qisasçılığı və qəddarlığı üçün fürsət bilməsin. Bəxtiyar Hacıyevi dərhal azad edin!”
1982-ci il təvəllüdlü Bəxtiyar Hacıyev Bakı Dövlət Universitetinin və ABŞ-ın Harvard Universitetinin məzunudur. O, 2011-2012-ci illərdə hərbi çağırışdan yayınmaq ittihamı ilə həbsdə yatıb, siyasi məhbus sayılıb.
2022-ci il dekabrın 9-da Bəxtiyar Hacıyev barəsində 1 ay 20 günlük həbs qətimkan tədbiri seçmiş Xətai Rayon Məhkəməsi 2023-cü il yanvarın 21-də həbs müddətini fevralın 28-dək uzadıb.
Bəxtiyar Hacıyevə xuliqanlıq və məhkəməyə hörmətsizlik ittihamları irəli sürülüb. İstintaqı aparan Bakı Şəhər Baş Polis İdarəsinin iddiasına görə, jurnalist Ülviyyə Alovlu ilə mülki münaqişədə olan Bəxtiyar Hacıyev bu iş üzrə məhkəmə proseslərinin birində dava salıb. Bəxtiyar Hacıyev ittihamı rədd edir, hakimiyyəti mütəmadi tənqid etdiyi üçün siyasi təzyiqə məruz qaldığını deyir.
Fəal ötən il dekabrın 15-dən 29-dək Bakı İstintaq Təcridxanasında azadlığa buraxılmaq tələbi ilə aclıq aksiyası keçirib, bu il yanvarın 9-dan yenidən aclıq edir.
Bəxtiyar Hacıyevin həbsindən, həbs müddətinin uzadılmasından Bakı Apellyasiya Məhkəməsinə şikayətlər, eləcə də həbs qətimkan tədbirinin ev dustaqlığı ilə əvəzlənməsi, əmlak girovu ilə azadlığa buraxılması üçün müraciətlər fayda verməyib.
Tibb elmləri doktoru Adil Qeybulla fevralın 10-da Bakı İstintaq Təcridxanasının tibbi-sanitariya bölümündə Bəxtiyar Hacıyevə baş çəkib. “Turan”a danışan həkim deyib ki, Bəxtiyar Hacıyev aclıq müddətində çox çəki itirib, onun arterial təzyiqi, qanında şəkərin səviyyəsi normadan aşağıdır: “Bəxtiyar Hacıyev orqanizmində su-duz balansını bərpa etmək təyin olunan sistem qəbulundan imtina etdi. Təzyiqin və şəkərin düşdüyünü nəzərə alsaq, aclığın davam etdirilməsi komaya gətirə bilər”.
Bəxtiyar Hacıyevə hansı ittihamlar verilib?
Bəxtiyar Hacıyev prosesi təyin olunub
Bəxtiyar Hacıyev barədə qərar, onun qərarı
Bəxtiyar Hacıyev aclığı davam etdirir
Vəkil Bəxtiyar Hacıyevə baş çəkdi
Bəxtiyar Hacıyevdən köçürülmək istəyi
Məhkəmə Bəxtiyar Hacıyevi həbsdə saxladı
Bəxtiyar Hacıyev: yeni proses, Avropa Məhkəməsindən qərar
Bəxtiyar Hacıyev yenə buraxılmadı
Əli Kərimli Bəxtiyar Hacıyevə səslənib
Bəxtiyar Hacıyev aclığı dayandırdı
Bəxtiyar həbsdə qaldı, yenə aclıq qərarı verdi
Bəxtiyara ittihamlar yeniləndi
Prezidentə Bəxtiyar və Əvəz müraciəti
Bəxtiyar Hacıyevin məhbəs məktubu
Bəxtiyar Hacıyev qərarı dəyişmədi
Bəxtiyarın müayinəsi: rəsmi müraciət olunub
Ombudsman Bəxtiyar Hacıyevə baş çəkib
Bəxtiyar Hacıyevin istəyi, çağırışlar
