Meksikada erməni ləhcəsi
Meksika parlamentinin yuxarı palatası – Senat fevralın 8-də qondarma erməni soyqırımını tanıyan sənədə səs verib. Xəbəri yayan Newsarmenia.am saytı sənəddə hökumətə “soyqırımını” rəsmən tanımaq çağırışı yer aldığını iddia edir.
Novator.az bildirir ki, saxta soyqırımı iddialarına əsasən, 1915-ci il aprelin 24-dən başlayaraq 1923-cü ilə kimi Türkiyədə 1 milyon 500 min nəfər erməni öldürülüb. Bu iddiaları indiyədək bir çox ölkənin (Almaniya, Avstriya, Belçika, Çexiya, Danimarka, Fransa, İsveç, İsveçrə, İtaliya, Kipr, Litva, Lüksemburq, Niderland, Polşa, Portuqaliya, Rusiya, Slovakiya, Vatikan, Yunanıstan, ABŞ, Kanada, Argentina, Boliviya, Braziliya, Çili, Paraqvay, Uruqvay, Venesuela, Livan, Suriya və s.) qanunverici orqanları, bəzi beynəlxalq qurumlar tanıyıb.
