Ermənistan: ərzaq 9,4 faiz bahalaşıb
2023-cü ilin yanvarında Ermənistanda istehlak qiymətləri ötən ilin eyni ayına nəzərən 8,1 faiz artıb. Novator.az-ın məlumatına görə, ölkənin Statistika Komitəsi ərzaq məhsulları üzrə qiymət yüksəlişini 9,4 faiz göstərir (çörək və başqa taxıl məhsulları – 12,6 faiz, ət – 12 faiz, meyvə – 11,5 faiz, süd məhsulları və yumurta – 10,8 faiz, qəhvə, çay və kakao – 10,5 faiz, mineral su və bulaq suyu – 10,2 faiz, şəkər, bal və şirniyyat – 6,8 faiz, yağ – 3,9 faiz, tərəvəz – 0,9 faiz, balıq məhsulları – 0,4 faiz).
Ödənişli xidmətlərin, o cümlədən kommunal xidmətlərin 7,3 faiz, siqaret və alkoqollu içkilərin 9,8 faiz bahalaşdığı xəbər verilir.
