Zamin Salayev tutulub
AXCP-nin Salyan şöbəsinin sədri Zamin Salayev fevralın 7-si Bakının Qaradağ rayonunda tutulub. Daxili İşlər Nazirliyindən “Turan”a verilən məlumata görə, cəbhəçi Sahil qəsəbəsinin sakini Natiq Süleymanova bıçaqla xəsarət yetirməkdə şübhəli bilinir.
Hadisənin fevralın 7-nə keçən gecə baş verdiyi, Natiq Süleymanovun xəstəxanaya yerləşdirildiyi iddia olunur.
İş Cinayət Məcəlləsinin 126-cı maddəsi (Qəsdən sağlamlığa ağır zərər vurma) ilə araşdırılır.
Novator.az bildirir ki, Zamin Salayev 2020-ci il aprelin 20-dən 2022-ci il yanvarın 19-dək həbsdə olub. O, polis kapitanı Həmzə Əzizovun şikayəti əsasında ağır və ya xüsusilə ağır cinayətdə ittiham etməklə böhtanda və təhqirdə təqsirli bilinmişdi. 2 il 3 ay müddətinə azadlıqdan məhrum edilən cəbhəçinin cəzası 2021-ci ildə 1 il 9 aya düşürülmüşdü.
