Valyutaların yanvarı
Novator.az rəsmi məzənnələrin 2023-cü ilin ilk ayında necə dəyişməsinə nəzər salıb.
Avro ilə 1,8029 manatla başlayıb, yanvarda yuxarı kurs 1,8553 manat olub.
Gürcüstan larisi ilə 0,6296 manatla qədəm qoyub, yanvarda məzənnə 0,6442 manatı ötməyib.
Rusiya rublunun siftə qiyməti 0,0236 manat olub, yanvarda maksimum hədd 0,0250 manat göstərilib.
Türkiyə lirəsi 0,0907 manatla start götürüb, yanvarın ən yüksək qiyməti 0,0908 manat olub.
2015-ci ilin devalvasiyalarında ABŞ dollarının rəsmi kursu 0,7844 manatdan 1,5594 manata yüksəlib. 2016-cı ili 1,7707 manat, 2017-ci ili 1,7001 manatla yola salan dollar 2018-ci il martın 7-dən 1,7 manata təklif olunur.
Manatın kursu valyuta hərraclarında qorunur. Mərkəzi Bankın keçirdiyi valyuta hərraclarında Dövlət Neft Fondunun satdığı vəsait 2016-cı ildə 4,9 milyard, 2017-ci ildə 3,6 milyard, 2018-ci ildə 6,5 milyard, 2019-cu ildə 6,6 milyard, 2020-ci ildə 7,3 milyard, 2021-ci ildə 6,7 milyard, 2022-ci ildə 4,7 milyard ABŞ dolları məbləğində göstərilib.
