Rəsmi Bakıdan İran xəbərdarlığı
Xarici İşlər Nazirliyi xəbərdarlıq yayıb. Qeyd olunur ki, yanvarın 27-də Azərbaycanın İrandakı səfirliyinə silahlı terror hücumu olub, mühafizə xidmətinin rəisi şəhid olub, iki nəfər yaralanıb: “İrandakı qeyri-sabit vəziyyət və ölkəmizin diplomatik nümayəndəliyinə qarşı terror aktı nəzərə alınmaqla vətəndaşlara zəruri olmadığı təqdirdə İrana səfər etməmək, səfər edənlərin isə yüksək ehtiyatlılıq nümayiş etdirməsi tövsiyə olunur.
Hazırda İranda olan Azərbaycan vətəndaşlarının mühafizə və təhlükəsizlik qaydalarına riayət etmələri məsləhət bilinir.
İrandakı vətəndaşlarımızın konsulluq və digər müraciətləri üçün Təbrizdəki baş konsulluqla əlaqə saxlamaları (ünvan – Vəliəsr, Arif küçəsi, 9; telefon – (+98413) 333 48 03; faks – (+98413) 331 53 80; e-maıl – [email protected]; veb-sayt – tabriz.mfa.gov.az) xahiş olunur.
Tehranda Azərbaycan dövlətinə silahlı basqın
Prezident Tehran terroruna münasibət bildirdi
