Prezident Tehran terroruna münasibət bildirdi
Prezident İlham Əliyev özünün “Tvitter” səhifəsində Azərbaycanın İrandakı səfirliyinə silahlı hücumdan yazıb: “Tehrandakı səfirliyimizə qarşı terror aktını şiddətlə qınayıram. Səfirliyin və səfirlik əməkdaşlarının mühafizəsini təmin edərkən həlak olan baş leytenant Əsgərov Orxan Rizvan oğlunun ailəsinə və yaxınlarına dərin hüznlə başsağlığı verirəm.
Bu terror aktının tezliklə araşdırılmasını və terrorçuların cəzalandırlmasını tələb edirik. Diplomatik nümayəndəliklərə qarşı terror hücumu qəbuledilməzdir!”
