Mehmanxana biznesinin gəliri 1,7 dəfə artıb
Dövlət Statistika Komitəsinin hesabatına görə, 2022-ci ildə mehmanxana və bu tipli obyektlərdə gecələmə sayı 2021-ci illə müqayisədə 1,5 dəfə artıb: “Gecələmələrin 55,1 faizi Bakıda, 6,5 faizi Qəbələdə, 5,8 faizi Qubada, 4,9 faizi Xaçmazda, 4,1 faizi Qusarda, 3,8 faizi Şabranda, 3,6 faizi Lənkəranda, 3,2 faizi Naftalanda, 2,3 faizi Naxçıvan Muxtar Respublikasında, 1,1 faizi İsmayıllıda, 1 faizi Şamaxıda, qalanı başqa şəhər və rayonlardakı mehmanxanalarda qeydə alınıb”.
Statistikaya əsasən, 2022-ci ildə mehmanxana və bu tipli obyektlərin gəlirləri 2021-ci illə müqayisədə 1,7 dəfə artaraq 355,3 milyon manat olub.
