Maliyyə Nazirliyinin ilkin hesabatına görə, 2022-ci ildə dövlət büdcəsinə 30 milyard 660,5 milyon manat daxil olub. Vergi orqanlarının xətti ilə daxilolma 15 milyard 541,5 milyon manat, gömrük orqanlarının xətti ilə daxilolma 5 milyard 654,6 milyon manat göstərilir.

Dövlət Neft Fondundan büdcəyə 7 milyard 923 milyon manat köçürülüb, dövlət əmlakının icarəyə verilməsindən 24,9 milyon manat, büdcədən maliyyələşən təşkilatların ödənişli xidmətlərindən 804,1 milyon manat, başqa mənbələrdən 529,1 milyon manat əldə olunub.

Məqsədli büdcə fondlarının qalıq vəsaiti 183,3 milyon manat təşkil edib.

Operativ məlumata əsasən, 2022-ci ildə dövlət büdcəsindən 32 milyard 63,3 milyon manat xərclənib, 1 milyard 402,8 milyon manat kəsir yaranıb.